Bloggfærslur mánaðarins, október 2007
8.10.2007 | 15:38
Féllu á lýðræðisprófinu
Með því að taka einhliða ákvarðanir og "gleyma" að ræða við minnihlutann, finnst að verið sé að slá með priki á putta framsóknar. Með því að sjálfstæðismenn ákveða einhliða að fjarlægja fulltrúa þeirra í stjórn OR. Það er kannski allt í lagi flestra okkar vegna, en ég velti fyrir mér hvort ákvörðunin falli ekki undir meirihlutasamstarfssamning flokkana? Er sjálfstæðiflokkurinn ekki að neyta aflsmunar hér?
P. Er kannski líka búið að ákveða hverjir mega kaupa?
Stefnt að því að selja hlut Orkuveitunnar í REI | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 15:55 | Slóð | Facebook | Athugasemdir (0)
8.10.2007 | 14:55
Viltu fara í námsferð til Reggio Emilia?
INTERNATIONAL STUDY GROUP
Students and professors
International Center Loris Malaguzzi
Hægt er að nálgast umsóknareyðublöð hjá mér. dyr@unak.is
8.10.2007 | 14:36
Æfing í lýðræðislegum gildum
Fyllilega sammála Degi, meirihluti sjálfstæðisflokksins verður að stíga varlega til jarðar. Það er ekki hægt að ásaka einn um ólýðræðisleg vinnubrögð en samtímis ætla svo að fara að beita þeim sjálfur. Ekki mjög sannfærandi og bendir til að eitthvað annað en ást á lýðræði hafi vakið gremju sjálfstæðimanna. Mér finnst það jafnóeðlilegt að borgarstjórnarfundur sjálfstæðisflokksins geti tekið svona ákvörðun og að það hafi ekki verið eðlilega boðað til síðasta fundar stjórnar og eiganda REI. Með því að loka sig inn á fundi og ætla svo að kynna niðurstöðu á blaðamannafundi er ekki bara verið að stíga á lýðræðið það er verið að trampa á því.
Ég er ekki viss um að ég sé sammála því sjónarmiði sem býr að baki því að borgin eigi að selja sinn hluta. En ég er viss um að það þarf að gera grundvallarforsendur/hugmyndafræði samstarfs og eignaraðildar skýrari. Í því liggur lýðræðisleg skylda borgarfulltrúa allra flokka.
Minnihlutinn í borgarstjórn biður um aukafund vegna REI | |
Tilkynna um óviðeigandi tengingu við frétt |
8.10.2007 | 12:26
Óþjált
Nafni Blaðsins breytt í 24 stundir | |
Tilkynna um óviðeigandi tengingu við frétt |
7.10.2007 | 17:34
Sunnudagur í Miðstræti
Áðan komu þrír 9 ára drengir í heimsókn. Enginn hafði áhuga á að horfa á fótbolta með Lilló, en því meiri áhuga á ýmsum tölvuleikjum sem finna má á vefnum. Ég dró líka fram gamla góða leirinn, til að athuga hvort hægt væri að freista þeirra frá tölvunni. Guðmundur Páll gerði skrímsli fyrir mig, hinir voru ögn feimnari við efnið. Svo bakaði ég risastafla af vöfflum sem allar hurfu eins og dögg fyrir sólu. Þegar drengirnir voru farnir, fór ég út í garð og potaði niður eins og 150 haustlaukum. Það viðraði loks til slíkra verka.
með höggtennur
og klær
Dægurmál | Breytt 12.10.2007 kl. 19:03 | Slóð | Facebook | Athugasemdir (2)
6.10.2007 | 16:57
Skólasystur
Ég er með viðskiptahugmynd, sagði ein skólasystir mín í morgun. Ég ætla að bjóða nýja orkuliðinu að reka fyrir þá leikskóla, en bara fyrir börn kínverskra starfsmanna. Þau geta nefnilega verið sextíu á deild og það þarf bara einn kennara. Pottþétt hugmynd og ég mun mala gull. Ég náði reyndar bara í endann á þessari umræðu, kom í seinni kantinum og þær sögðust vera búnar að afgreiða, vinavæðingu orkuveitunnar, einkaleikskóla og starfsmannamál. Nú ættum við bara ræða um það að vera ömmur. Örfáar eftir í hópnum sem enn eru ekki komnar í ömmumafíuna, þær bara hlusta andaktugar.
Mikilvægi þess að eiga svona vinahóp er óendanlegt. Ég hef aldrei verið svo fræg að vera í saumaklúbb og á það sennilega ekki fyrir höndum. En í hverjum mánuði yfir vetrarmánuðina hittumst við skólastystur úr framhaldsnámi í stjórnun einn laugardagsmorgun og ræðum saman. Mest um leikskólamál en líka allar þessar fjölskyldur sem við eigum og svo auðvitað pólitíkina. Við er svo heppnar að vera í nær öllum flokkum (nema kannski frjálslyndum). Fyrir kosningar eru umræður oft ansi hressilegar og venjulega nokkur átök. Fyrir mörgum árum tókum við upp á að bjóða eiginmönnum með okkur nokkrum sinnum á ári. Hluti af hópnum fer t.d. reglulega í smalamennsku á Skjaldfönn á Snæfjallaströnd en þar er ein skólasystirin húsfreyja.
Lífstíll | Breytt 7.10.2007 kl. 17:15 | Slóð | Facebook | Athugasemdir (0)
5.10.2007 | 00:47
Kastalinn í Blesugróf
Það er komið nýtt eintak af tímaritinu Ský í innanlandsfluginu, nokkrar greinar vöktu áhuga minn. Meðal annars af því að ég þekkti til.
Greinin sem aðallega átti athygli mína var um vefarann í heiðinni hann Óskar og konu hans Blómey. Árið 1970 flutti ég suður, ég flutti í þetta skrýtna hverfi sem margir skammast sín fyrir að vera aldir upp í, Blesugróf. Blesugrófin var svona eins og óhreinu börnin hennar Evu, eitthvað sem enginn vildi vita af. Ég átti heima í þeim hluta sem var efstur og tilheyrði í reynd Kópavogi. En til marks um hversu mikið við vorum útundan þá man ég vel þegar heitavatnaleiðslan í Breiðholtið var lögð upp með gamla Breiðholtsveginum framhjá Blesugrófinni. Það datt engum í hug að setja tengingu inn í hverfið og við sem þar bjuggum þurftum áfram að kynda með olíu. Ég held að á mörgum heimilum hafi ekki alltaf verið til fyrir olíureikningnum.
Kastalinn í Blesugróf
Í Blesugrófinni bjuggu ýmsir kynlegir kvistir, einn af þeim var Óskar. Á meðal barnanna í hverfinu gengu um hann tröllasögur. Við vorum, held ég flest, skíthrædd við hann og bara huguðustu krakkar þorðu að stela rabbabara úr garðinum hjá honum og Blómey. Það er líka minnisstætt þegar að þau fóru í göngutúra um hverfið með geit í bandi og karlinn gyrtur hníf. Sögur gengu um að karlinn hefði byggt húsið niður í jörðina, held að einhver hafi haldið að það væri margar hæðir niður, dýpra en dýpstu bílakjallarar samtímans. Svo kom nýja Breiðholtsbrautin og kastalinn í skóginum þurfti að víkja. Trén voru víst sett niður meðfram Miklubrautinni, vonandi standa einhver þeirra þar enn. Ég held að við sem ólumst þarna upp gleymum aldrei þessum hjónum.
Stundum held ég að það hafi verið ákveðið lán að fá að kynnast því fólki sem þarna bjó, á jaðri samfélagsins. Mörgu harðduglegu fólki sem lífið fór oft um óljúfum höndum. Ég held að aðstæðurnar í Blesugrófinni hafi mótað viðhorf margra til lífsins fyrir lífstíð. Í dag segi ég stolt frá því að hafa verið alin upp í Blesugróf.
3.10.2007 | 17:31
Haust á Akureyri
Er á Akureyri í fallegu haustveðri, sinfónía náttúrunnar spilar á fullum styrk. Ég tek andköf yfir samsetningum lita og ljóss. Hef verið að kenna og funda hér síðustu daga. Er annars frekar nísk á veru mína annarstaðar en í Reykjavík um þessar mundir en ætlaði samt að vera hér á morgun til að funda með fólki utan skóla. Það afboðið sig á síðustu stundu og ég varð frekar fúl. Svona er þetta, í fyrra hefði þetta ekki skipt mig neinu máli, ég bara brosað. Tilvera lítils kúts breytir hinsvegar forgangsröðun verkefna hjá mér þessa daga.
Af honum er það að frétta að hann er vært og gott barn sem sefur og vakir og drekkur og grandskoðar heiminn. Heldur foreldrunum vakandi á ókristilegum tíma. Þá er hans vökustund. þau aftur reyna að sofa með honum og vaka með honum. Hafa verið að stilla sína strengi eftir hans. Það hefur ekki alveg tekist og þau hljóma soldið þreytt.
Bloggar | Breytt s.d. kl. 17:32 | Slóð | Facebook | Athugasemdir (2)
2.10.2007 | 00:11
Munaðarlaus texti - Þegar bloggið öðlast sjálfstætt líf
Undafarið hafa nokkrir leikskólakennarar sent mér texta sem fer eins og fleygur fugl um vefinn þessa daga. Þetta er blogg leikskólakennara á Marbakka í Kópavogi, sem heitir Bergljót Hreinsdóttir, hún setti þetta blogg inn á síðuna sína þann 11. september og síðan hefur það öðlast sjálfstætt líf.
Mér finnst auðvitað gott að allir þessir leikskólakennarar - sumir gamlir nemar, hugsi til mín og vilji að ég viti hvað er í umræðunni, en það er eitt smá vandamál. Í alla þessa pósta hefur vantað hver er höfundur textans. Það finnst mér afar slæmt.
Í blogginu er Bergljót að velta fyrir sér ýmsu sem snýr að foreldrum og börnum, hvers vegna fólk er að eiga börn og hvaða hlutverk leikskólinn hefur komið sér í gangvart börnum og fjölskyldum þeirra. En hún er líka að fara fram á virðingu fyrir starfi sínu, virðingu sem skilar sér í launaumslagið.
Hér geta áhugasamir lesið færsluna hennar
http://beggita.bloggar.is/blogg/261734/
1.10.2007 | 22:24