Óþjált

Ég fagna nafnabreytingu en finnst nýja nafnið, óþjált og lítið spennandi. Veit ekki hvort það höfðar sérstaklega til ungra lesenda. Það er líka leitt frá að segja að það er alveg hippsum happs hvort við fáum "blaðið" (sem við köllum líka stundum nafnlausa blaðið). Ég hélt reyndar lengi að það hefði átt að dreifa því með mogganum en svo er ekki. Við fáum moggann svona nokkurn veginn en "blaðið" sjaldan. Það skal líka viðurkennast að eftir að við fengum bláa tunnu er ég miklu jákvæðari gagnvart öllum fjöldapósti inn um bréfalúguna.

Nafni Blaðsins breytt í 24 stundir

Athugasemdir

[Ingólfur Ásgeir Jóhannesson, 8.10.2007 kl. 18:42]

24 stundir, 365 miðlar, 100 ár, 60 sekúndur, 60 mínútur - 60 minutes held ég að hafi slegið í gegn

[Kristín Dýrfjörð, 8.10.2007 kl. 19:21]

já en það er Árvakur með hina íslensku tilvísun sem á blaðið ekki 365, finnst 24 ekkert slæmt en tuttugu og fjórar stundir, verra. Annars sammála þér í hugsanatengslum.