Skráning skiptir máli

Frábært að sjá þessa frétt. Fór og skoðaði þá dönsku. Vildi vita hverskonar skráningar þeir væru að ræða um. Þar er rætt um að gera skráningu á uppeldisstarfinu. Ég hef sem betur fer ekki orðið vör við að hérlendis sé neikvæð umræða um þennan þátt starfs leikskólakennara. Þvert á móti tel ég að leikskólinn sé faglega mikils metinn í samfélaginu.   

 

Við Háskólann á Akureyri og í KHÍ er kennd uppeldisfræðileg skráning (Pedagogic Documentation). Rannsóknir hafa sýnt að þróun leikskólastarfs liggur að miklu í þessari tegund skráninga. Hún styrkir leikskólakennara, hún sýnir þeim hvernig börn nema og hvar styrkur þeirra liggur. Ég hef í tveimur bloggum hér að neðan fjallað um slíkar skráningar.

 

Listir og eðlisfræði í leikskólum - uppeldisfræðileg skráning notuð sem tæki til að lýsa því sem þar gerðist  og svo blogaði ég um skráningar sem þróunartæki.

 

Jafnframt er gaman að geta þess að leikskólinn Fagrabrekka í Kópavogi sem starfar í anda Reggio Emilia fékk styrk úr þróunarsjóði leikskóla til að vinna úr skráningarverkefni sem náði yfir heilt ár. Verkefni um fjögurra ára börn sem hönnuðu og saumuðu kjól frá grunni, (og það sem er svo dásamlegt við skráningarnar er að á myndunum sést vel að þetta er verk barnanna). Annar leikskóli sem hefur verið að skrá starfið sitt er leikskólinn Sæborg í Reykjavík en um starfið þar var gerð heimildarmynd í fyrra.

 

Pappírsvinnan ekki til einskis

Athugasemdir

[Anna Ólafsdóttir (anno) (IP-tala skráð) 6.6.2007 kl. 12:46]

Já það er svo sannarlega frábært þegar vinna eins og þessi skráning skilar sér með sýnilegum hætti. Það er líka ánægjulegt að sjá að leikskólabrautin í Háskólanum á Akureyri leggur áherslu á þætti í leikskólakennaranáminu sem stuðla að meiri hæfni leikskólakennara í hvers kyns þróunarstarfi. Uppeldisfræðileg skráning er greinilega þáttur í að auka slíka hæfni og frábært að sjá þessa áherslu í náminu ekki hvað síst fyrir þá sök  

[Kristín Dýrfjörð, 6.6.2007 kl. 13:07]

og hún er kennd bæði leik og grunnskólabrautarnemunum okkar - en leikskólanemarnir verða að nýta  þessa þekkingu í vettvangsnáminu og í fleiri kúrsum - svo sannarlega vona ég að það skili sér í enn betri leikskólum.