Á að vera hluti af sorhirðunni

Fyrir heilum 13 árum bjó ég í um tíma miðvesturríkjum Bandaríkjanna, nánar tilekið í borginni Oak Park við Chicago, þar flokkuðum við sorp og settum út í þar til gerðar tunnur á tilteknum dögum, á þriðjudögum hirtu þeir heimilissorpið á fimmtudögum kom bílinn sem hirti pappír og þessháttar aðra hverja viku kom glerbílinn. Við húsið voru 3 tunnur, hver með sínum lit. Þetta var á þeim tíma talin sjálfsögð þjónusta borgarinnar við íbúa. Meira að segja í Bandaríkjunum var þetta hluti af samfélagsþjónustunni. Ég hef oft velt fyrir af hverju íslensk borgaryfirvöld hafa ekki haft þetta sem hluta af sinni þjónustu – því segi ég takk fyrir mig. Mér finnst þetta vera eitt af verkefnum sveitarfélagana – er hluti af sorphirðunni og skiptir gríðamiklu máli við að byggja upp á öllum heimilum venju við að flokka.

Segir Reykjavíkurborg í samkeppni við einkaaðila

Athugasemdir

[Ingólfur Ásgeir Jóhannesson, 4.7.2007 kl. 15:15]

Ísland mun vera langt á eftir öðrum Evrópulöndum og stjórnvöldum er nauðugur kostur að flokka sorp. Mér finnst afar andhælislegt að maður þurfi að borga sérstaklega fyrir að tekið sé á móti sorpinu flokkuðu, ætti að vera aukagjald ef það er ekki flokkað. Raunar held ég að það sé nauðsynlegt að það séu viðurlög við því að henda óflokkuðu sorpi.

[Kristín Dýrfjörð, 4.7.2007 kl. 15:26]

Sammála - en eina leiðin til að hægt sé að beita viðurlögum er að þjónustan sé í boði og að hún sé aðgengileg fyrir alla. Þess vegna hlýtur þetta að vera hlutverk sveitarfélaga, - hvort þeir svo ráða sér fyrirtæki út í bæ til að tæma þessar tunnur er svo allt annað mál.

[Ingólfur Ásgeir Jóhannesson, 4.7.2007 kl. 18:26]

Við hendum samt ekki rusli á gólfið hjá okkur þótt ruslafatan sé í næsta herbergi - heldur förum með ruslið. En ef samfélagið ætlar að ná árangri í að minnka sorp, einkum óflokkað sorp, þarf að koma til móts við okkur - fremur en beinlínis að láta mann borga meira. Sniðugt að borgað sé eftir vigt - vildi eiga kost á því.