Nauðsynlegasta heimilistækið þessa daga er borvélin

Það er léttir að verslunarmannahelgin hafi farið vel fram. Ég vona að hún nái að klárast áfallalaust. Það skal fúslega viðurkennt að í mér er alltaf ákveðinn hrollur og þetta er sú helgi ársins sem ég bíð að taki endi. Hin síðari ár höfum við oft valið að vera úti fram yfir verslunarmannahelgi. Fjarri fréttatímum og hljóðum þyrlu gæslunnar. 

Í þetta skipti erum við heima og hefur helgin farið í að endurskipuleggja vinnuherbergið mitt og eldhúsið. Bæði tímafrek og nauðsynleg verkefni. Keypti forláta búrskáp í IKEA til að setja í búrið. Hann er risastór 60 cm breiður og vel yfir tvo metra. Það var púsl að koma honum saman. Sonurinn verkstýrði því, enda með meiri reynslu í samansetningum á IKEA húsbúnaði en við. Mér var á orði að það væri nú ekki endilega auðveldasta verk í heimi að koma saman hlutum frá Ikea. Teikningar þó góðar væru ekki alltaf alveg lýsandi. En ég er líka búin að komast að því að eitt nauðsynlegasta heimilistækið er bor/skrúvél sonarins af Hitatchi gerð. Sé okkur ekki alveg munda skrúfjárnin af sömu leikni og krafti og borvélin leyfir.     

Það sem er annars helst í fréttum er að Sturlubarnið fór í gær með foreldrum sínum í sveit og fékk að fara á hestbak. Var mjög ánægður með það. Á föstudag fór hann með mér í heimsókn til langafa og langömmu í Skeifuna. Skelli inn nokkrum svipmyndum þaðan. Garðurinn hennar mömmu er eins og alltaf, augnayndi.

 

Athugasemdir

[Dunni, 3.8.2008 kl. 21:49]

Þú mátt nú alveg birta betri myndir af henni Lollu með langömmubarnið sitt.  Held bara að ég hafi ekki séð hana síðan ég var krakki og hún fór frá Eskifirði.

[Kristín Dýrfjörð, 3.8.2008 kl. 21:58]

Sæll í þessu albúmimá sjá myndir af meðal annars mömmu (Lóló eða Lollu eftir því hvort það er Eskfirðingur eða ekki)líka Matta og Unni . En skal skella inn betri myndum af henni með langömmubarnið við tækifæri. **)

ps. Á einni myndinni er Sigga kona Hauks með mömmu.

[Dunni, 4.8.2008 kl. 12:10]

Ég hitti Siggu og Hauk einstaka sinnum í kringum kóramót íslensku kóranna í Skandinavíu.  Alltaf jafn skemmtilegt það. Þekkti smat ekki Siggu strax á myndinni. Ekki fyrr en þú bentir mér á hvaða Sigga þetta var.

 Matti og Doddi voru báðir farnir frá Eskifirði þegar ég man eftir mér.  Hitti þá báða fyrst eftir að ég varð unglingur og fullvaxta.  Andri Marteins er góður vinur minn.  Han kom einu sinni til mín og sagði að amma sín (og þín) hafi sagt honum að Dunni hafi stundum verið óttalegur villingur. Það þótti mér vænt um.

Kveðja

Dunni

[Dunni, 4.8.2008 kl. 12:36]

Voruð þið með ættarmót heima í sumar.  Fínar myndir sem vekja upp barndómsminningar í haugum.

[Bergljót B. Guðmundsdóttir (IP-tala skráð) 5.8.2008 kl. 11:26]

Ég er þér mjög sammála um IKEA leiðarvísa. Fegin að heyra að það eru fleiri en ég sem þurfa að hafa töluvert fyrir því að fatta suma þeirra.

 Með kveðju,

Systa