Sitthvað að dedúa og kláraði pallinn

Ég hef varla komið inn fyrir dyr undafarna daga. Verið í garðinum að dedúa. Nú er hesthúspallurinn tilbúinn til notkunar og við öll í húsinu held ég bara nokkuð ánægð með árangurinn. Ég skrapp í IKEA og keypti tréflísarnar eftir að hafa rætt við Líney á næstu hæð. Í gær kom sonurinn með úrsnara, tilkynnti mér að áður en ég skrúfaði yrði ég að bora með honum í hverja einustu flís þar sem skrúfan ætti að vera og ég boraði í hverja einustu flís. Síðan var að koma fyrir spýtum undir og festa allt saman. Ég var svo heppinn að Davíð leit sem snöggvast upp úr doktorsritgerðinni sinni og við hjálpuðumst að við að festa flísarnar niður, settum smá munstur í miðjuna meira að segja. 

hesthúspallurinn - nýsmíðaði

Lilló og Palli að njóta sumarblíðu á hesthúspallinum í morgun (8. júlí)

og svona líta herlegheitin út í dagsbirtu

Annars hefur verið frekar gestkvæmt hér, gömul vinkona og sambýliskona okkar, hún Sigga Vala er á landinu og kom til okkar með börnin sín fjögur í heimsókn. Þetta er hin myndarlegasti hópur sem hún á. Dæturnar þrjár búa og starfa hér á landi, alla vega um sinn, en yngstur er 9 ára drengur. Hann undi sér hér í garðinum við kubba og dót sem við létum útbúa fyrir vísindasmiðjuna í Ráðhúsinu vetur. Það var gaman að hitta þau öll og það verður að segjast eins og er gamall vinskapur lifir lengi og á endanum er það að hittast eins og við höfum síðast hitts í gær.   

Nú erum við pössunarpíur fyrir brúðhjón helgarinnar sem smelltu sér í sund. Lilló búinn að spila á gítar ljúfar ballöður fyrir piltinn unga svo á hann sótti svefn, hann sefur nú undurfallega við hlið mér í stól.

Áróra á loftinu skrapp með pabba sínum í Nauthólsvík, þegar hún kom heim varð hún fyrir svolitlum vonbrigðum með að Sturla væri farinn. Er Sturla ekki heima?, spurði hún. Hann hefur verið svo mikið hér undafarið (í pössun á daginn) að henni finnst hann bara eiga sitt annað heimili hér.

 

Ómi og Kung Fu Panda

Athugasemdir

[Síta (IP-tala skráð) 8.7.2008 kl. 22:06]

Flottur pallur, verð að koma við og sjá herlegheitin

[Kristín Dýrfjörð, 9.7.2008 kl. 01:02]

Ávallt velkomin, en ef þú vilt njóta sólar á nýja pallinum verður það að vera fyrir klukkan 2 þá daga sem sólin skín, því eftir 2 missum við sólina af þessum palli yfir á hinn.

[Bergljót B. Guðmundsdóttir (IP-tala skráð) 9.7.2008 kl. 13:12]

Mjög fínt hjá ykkur. Þið eruð duglegt fólk.  Góður garður verður enn betri.

[Kristín Dýrfjörð, 9.7.2008 kl. 13:25]

og hvenrig væri að koma þá í kaffi, skal kaupa með því, kv

[Linda Samsonar Gísladóttir, 11.7.2008 kl. 01:17]

Mikið er þetta kósý hjá ykkur:)

það er alltaf svo gaman að klára svona verk og geta sest niður og notið þess.  Megið þið eiga margar ánægjustundir á þessum indæla palli:)

[Kristín Dýrfjörð, 11.7.2008 kl. 01:20]

Og það gerum við sko sannarlega, við erum búin að fara út með morgunblöðin (og ég félagfræðilegar fræðibækur) báða morgna og reiknum með að þeir eigi eftir að verða miklu fleiri.  og takk fyrir.