Gjaldfrjáls - gott, nemendur - slæmt

Undanfarið hef ég haft töluvert fyrir stafni og lítið séð til fjölmiðla. Missti m.a. af umræðu á alþingisrásinni um leikskólalögin. En ríkið er mér vinsamlegt, það tekur upp allar ræður og birtir þær samdægurs á vefnum. Því sit ég nú hér og hlustam, les og blogga. Af því sem ég hef heyrt þá styð ég það sjónarmið sem kemur fram í máli Kolbrúnar Halldórsdóttir að leikskólinn eigi að vera fjölskyldum "gjaldfrjáls". Ég tel það í raunar vera sanngirniskröfu og ef það skapar einkaskólum vandræði verð ég að viðurkenna að þar fórna ég meiri hagsmunum fyrir minni.

Hinsvegar verð ég hafna hugtakanotkun Kolbrúnar en í breytingartillögum hennar velur hún að fjalla um rétt nemenda en ekki barna. Ég er ein þeirra sem vil alls ekki taka upp þetta hugtak grunnskólans (nemendur). Ég tel að með því sé hætta á að verið sé að skapa ákveðna faglega fjarlægð milli barna og þeirra sem með þeim starfa. Fjarlægð sem ég tel óæskilega. Það má vera að efnislega sé ég samþykku ýmsu sem kemur fram í breytingartillögu Kolbrúnar en þessa hugtakanotkun get ég ómögulega fellt mig við.

Athugasemdir

[Hörður (IP-tala skráð) 24.5.2008 kl. 02:31]

Sæl Kristín

Ég er hinsvegar þeirrar skoðunar að við þurfum í auknum mæli að nota orðið nemendur um börn á leikskólum. Það er hluti af ímyndarvinnu sem leikskólinn verður að fara í.

Nú er tekin við völdum í mörgum sveitarstjórnum fyrsta kynslóð stjórnmálamanna sem sjálf gekk í leikskóla og það er athyglisvert að það eru þessir stjórnmálamenn  sem halda á lofti kröfunni um fimm ára deildir inn í grunnskólana.

Þessir stjórnmálamenn virðast meta leikskólann af áratuga gamalli eigin reynslu, samanber  orð forseta borgarstjórnar í Mannamáli Sigmundar Ernis
"...hún vill auka valkosti í leikskólum og tryggja að þar fari einhver menntun fram."

Ef leikskólinn fer ekki af miklu afli í að koma á framfæri því námi sem þar fer fram, er hætt við að fjarlægð milli starfsfólks leikskólans og fimm ára barna verði meiri en ef við slípum aðeins hugtakanotkun okkar og köllum skólabörnin í leikskólanum stundum nemendur.

[Halla Rut , 24.5.2008 kl. 13:07]

Ég vil láta kenna "grunn" talkennslu þegar fólk lærir til  leikskólakenna. Vandamálin varðandi talkennslu er hér á landi er til virkilegrar skammar og er að hafa mikil áhrif á framtíð fjölda barna. Útskrifaður talkennari gæti svo haft yfirumsjón yfir 10 til 20 börnum.

Þetta mundi jafnt spara peninga og öll börn fengju góða talkennslu reglulega í sínum leikskóla. Kannski hálftíma á dag. 

Sonur minn sem er fimm ára og byrjar í skóla næsta haust talar sem 2,5 ára og hefur aldrei fengið talkennslu.  

Hvað finnst þér um þetta? 

[Matthías Ásgeirsson, 24.5.2008 kl. 20:26]

Ef þú ert í stuði hvet ég þig til að horfa á ræður Guðna Ágústssonar og Árna Johnsen um grunnskólalög síðar sama dag.  Það er súr skemmtun.

[Kristín Dýrfjörð, 24.5.2008 kl. 22:13]

Á eftir að gefa mér tíma til að hlusta á allt, er á kafi við að undirbúa risaleikskólaviku í næstu viku, ráðstefnu, námskeið og að taka þátt í að undirbúa með tveimur Hafnfirskum leikskólum hlut í 100 ára afmælishátíð bæjarins. En á örugglega eftir að hlusta.

[Kristín Dýrfjörð, 24.5.2008 kl. 22:16]

Ps. Hörður svara þér betur um mínar pælingar og hversvegna ég er algjörlega ósammála þér, seinna, og eins og ég get þér Halla Rut.

[Elías Theódórsson, 27.5.2008 kl. 17:56]

Af hverju á það ekki að kosta þá sem kjósa að senda 9 mánaða gamalt barn sitt á leikskóla?

[Hörður Svavars (IP-tala skráð) 27.5.2008 kl. 20:39]

Trúir þú því Elías að það sé hægt að eiga annað fólk?