Von fæðist

Ég vildi gjarnan vera í Chicago á þessari stundu, vera niðri í bæ þar og vera þátttakandi í því ævintýri sem þar á sér stað. Það var stórkostlegt að fá tækifæri til að taka þátt í kosningarfundi Obama í Colorado, finna á eigin skinni stemminguna. Með mér var fólk sem sagist ekki hafa upplifað slíka stemmingu frá því að Kennedy var í framboði, sama fólk sagðist líka vera með í maganum og hafa áhyggjur af öfgafólki.  

Einn ágætur einkaleikskólastjóri og góð vinkona mín sagði mér að eldri fólk væri í stórum stíl að færast frá McCain það vissi hvaða orku og úthald það hefði sjálft og hvernig orkan fer dvínandi með hverju ári (hún er sjálf fædd 1943) og Palin skelfdi þetta fólk. Svo hló hún á sinn einstak a hátt og  sagðist hafa sagt sínu starfsfólki að ef það kysi ekki Obama þá fengi það ekki launahækkun næstu 10 árin. Held reyndar að hún hafi ekkert mikið þurft að agitera.

Til hamingju heimur til hamingju Ameríka.

Eftirvænting í Chicago

Athugasemdir

[Friðrik Þór Guðmundsson, 6.11.2008 kl. 00:58]

Það er ástæða til að óska öllum heiminum til hamingju með kjör Obama - og vonandi rís hann undir væntingunum, sem eru ógnarmiklar. Með reynslu undanfarinna kosninga í huga átti ég allt eins von á blöndu af svindli Repúblíkana og klúðri Demókrata, en stóraukin kosningaþátttaka bjargaði málunum. Og það svo rækilega að Jeb Bush og Co í Florída gat ekki einu sinni fiffað fylkið yfir til McCains.

Almennt séð getur það aðeins boðað gott að frjálslyndari og friðsamlegri viðhorf fái að ráð för hjá Bandaríkjunum meir en verið hefur.  Sjálfsagt snýst ekki utanríkisstefna Bandaríkjanna á haus, en stríðsæsingurinn tónast væntanlega niður. Og betur verður komið fram við fólk allsstaðar.

Bush-tíminn hræðilegi er loksins að enda. Bæði Bandaríkjanna og Íslands bíður nýr tími, ný viðmið, nýtt upphaf. Hvað Ísland varðar væri óskandi að geta fjallað meir og betur um hvað koma mun, en það er erfitt um vik þegar voma yfir á fjórða tug skilyrða í samningnum við IMF - skilyrða sem við megum ekki vita hver eru fyrr en í fyrsta lagi á föstudag. Af einhverjum ástæðum. Ekki einu sinni undir Bush hefði það liðist í Bandaríkjunum að halda svo mikilsverðum upplýsingum leyndum fyrir almenningi í á aðra viku. En það er annað mál.

Svona að lokum; ég vona heitt og innilega að öfgamenn fyrir vestan haldi aftur af sér.

[Sigrún Þórsteins (IP-tala skráð) 6.11.2008 kl. 10:45]

Sæl Kristín.

Notar þú ennþá netfangið þitt fyrir norðan? Ég sendi þér póst í morgun, bíð soldið spennt eftir svari. :)

Kv. Sigrún Þ.

[Galda (IP-tala skráð) 10.11.2008 kl. 09:22]

Gárungarnir hér í Stokkhólmi spyrja mig hvort þú sért hætt að blogga ;)

[Kristín Dýrfjörð, 10.11.2008 kl. 11:55]

Segðu gárungum að ég sé bara svo svakalega upptekin þessa daga, það er alla vega ekki meðvituð ákvörðun um að hætta alfarið að blogga.

[Kristín Dýrfjörð, 10.11.2008 kl. 12:11]

Og til að gleða gárungana setti ég inn eina litla færslu.