Málverkasafn Landsbankans til Listasafns Íslands

Nú er að horfa björtum augum til framtíðar segja ráðmenn. Eitt það sem ég ætla að gleðjast yfir og vona að ríki passi betur upp á næst er málverkasafn Landsbankans. Það er aftur komið heim, vonandi hefur bara bæst við safnið, miðað við ást fráfarandi eigenda á listum á ég ekki von á öðru. Því sannarlega mega þeir eiga að þeir hafa veitt veglega til þeirra mála og þrátt fyrir að Landsbankinn sé ekki lengur í þeirra eigu vona ég að hann verði áfram bakhjarl Listasafns Íslands. En þó svo að síðustu eigendur hafi verið listunnendur þá er ekki víst að svo verði um þá næstu,  því  legg ég til að áður en ríkið gefur bankann aftur, verði það búið að tryggja Listasafni Íslands yfirráð yfir öllu safni Landsbankans.

Það er vitað mál að þegar Landabankinn var færður einkaframtakinu á silfurfati átti það eitt glæsilegasta safn málverka í landinu. Á sínum tíma var ég ein þeirra sem taldi að hluti af þjóðararfinum hefði verið gefinn með. Nú er tækifæri til að tryggja að hann til baka til þjóðarinnar. Ég skora á ráðamenn að sjá til þess að svo verði gert.

Athugasemdir

[Ingibjörg Magnúsdóttir (IP-tala skráð) 8.10.2008 kl. 01:53]

Hefur Listasafn Íslands fjármagn til að kaupa listaverkasafn Landsbanka Íslands? Þetta er ekki ókeypis. Eigur Landsbankans fara upp í kröfur, hvort sem um er að ræða lánadrottna eða hluthafa bankans!

[Jóna Kolbrún Garðarsdóttir, 8.10.2008 kl. 02:00]

Heyr heyr. 

[Ingibjörg Magnúsdóttir, 8.10.2008 kl. 02:41]

Hefur Listasafn Íslands fjármagn til að kaupa listaverkasafn Landsbanka Íslands? Þetta er ekki ókeypis. Eigur Landsbankans fara upp í kröfur, hvort sem um er að ræða lánadrottna eða hluthafa bankans!

[Friðrik Þór Guðmundsson, 8.10.2008 kl. 09:43]

Ofboðslega ertu kurteis, frú Dýrfjörð. Þessum listaverkum var stolið af þjóðinni og gefin þessum Cayman-búum. Þau þjóðnýtum við núna og auðvitað án endurgjalds inn á Cayman-reikning.

[Dunni, 8.10.2008 kl. 12:27]

Þið eruð heiðursfólk. Að sjálfsögðu ber að þjóðnýta málverkin.

Gleymi því seint þegar þeir einkavæddu Landsbankan og áttuðu sig á því, eftir á, að það gleymdist að taka listaverkasafnið með í sölunni. Svo þegar menn ætluðu að sækja málverkin sagði Bjöggi bara "nei".  "Ég á þessi málverk." 

[Guðmundur Ásgeirsson, 8.10.2008 kl. 14:18]

Hirða þau og veðsetja fyrir skuldum!