Tiltekt leiðir í ljós ...

Í dag kláraði ég skápana í eldhúsinu - tók allt út úr búrskápsómyndinni og skoðað nákvæmlega. Dagsetningar á sumum pakkavörum ná aftur til 2003. Það kom svosem ekki á óvart, pakkasúpur eiga til að daga upp, einstaka grænu baunadósir líka. Sérstaklega vegna þess að yfirleitt eldum við ekki pakkasúpur og ég er löngu hætt að bera fram grænar baunir. En það sem kom mest a óvart var gríðarlegt magn af matarlími. MATARLÍM sem ég nota kannski 3x á ári í tengslum við hefðbundna frómasgerð um jól, áramót og kannski einu sinni í viðbót. En ég á birgðir samkvæmt vörutalningu til 5 ára. Ég er samt nokk viss um að um næstu jól, gríp ég með nýjan pakka. Alveg viss um að ég á ekki nóg heima.

 

Athugasemdir

[Ingibjörg Margrét , 13.8.2008 kl. 17:07]

Sæl mín kæra.

Heldurðu að þú hafir ekki verið að taka til í mínum búrskáp - það hljómar þannig? Ég ætla að gá! 

[Kristín Dýrfjörð, 13.8.2008 kl. 17:37]

heheh - gerðu það - gáðu hvort þú finnur nokkuð aspasssúpur og já góð fyrirheit um fjölkornabrauð - átti næstum tveggja ára gamla blöndu af svoleiðis.

[Bergljót B Guðmundsdóttir, 13.8.2008 kl. 20:58]

Týpískt!!! Hjá mér var það sultuhleypir, súpur og flórsykur

[Jóna Kolbrún Garðarsdóttir, 14.8.2008 kl. 01:23]

Börnin mín tóku til í mínum eldhússkápum fyrr á þessu ári, og fundust þar ýmsar vörur frá síðustu öld   Ég sjálf nenni ekki að henda gömlu, það gæti komið í góðar þarfir