Í rassgatinu á sjálfum sér, segist hann vera slæmur

Þessi færsla er sérstaklega skrifuð fyrir Systu vinkonu mína. Hún fjallar nefnilega um afa okkar. Þeir voru samferðamenn um tíma á Siglufirði og virðist sem afi minn Kristján hafi fótbrotnað og fengið gyllinæð ofan í brotið. Læknir hans var Steingrímur afi Systu. Honum hefur þótt þetta kómísk og sett saman eftirfarandi vísubrot.

Fóturinn á honum finnst mér er
fremur batadræmur.
Í rassgatinu á sjálfum sér
segist hann vera slæmur.

__________________ 

Höfundur:

Steingrímur Einarsson, læknir f.1894 - d.1941

Um höfund:

Steingrímur Eyfjörð Einarsson var fæddur á Hömrum í Hrafnagilshreppi, Eyf. Faðir hans var Einar Jónsson bóndi í Myrkárdal og Rósa Lofsdóttir húsfr. s.st. Starfaði við lækningar í Bandaríkjunum um tíma en sjúkrahúslæknir á Siglufirði frá 1928 til dánardags.

Heimild:

Vísnasafn Sigurðar J. Gíslasonar í Héraðsskjalasafni Skagfirðinga.

Í vísnasafninu má finna fjölda vísa eftir Steingrím.

Tildrög:

Um Kristján Dýrfjörð er fótbrotnaði og fékk líka gyllinæðabólgu.

Athugasemdir

[Bergljót B Guðmundsdóttir, 6.8.2008 kl. 13:29]

Já hann afi minn var orðlagður hagyrðingur og spéfugl.

Systa

[Bergþóra Jónsdóttir, 6.8.2008 kl. 20:53]

Á ég þá ekki að koma með þær tvær sem ég kann eftir Steingrím.  Systa mín, þú hefur oft heyrt mig fara með þær.  Sú fyrri er um vel þekktan mann, Gunnar Schram á Akureyri, en hin er um strák sem var að hnýstast í bókhaldið í Síldarverksmiðjunum eða Kaupfélaginu, og virðist - samkvæmt vísunni hafa verið lesblindur, nema að bókhaldarinn hafi verið svona illa skrifandi. Hann var alltént að reyna að stauta sig út úr því sem þar stóð, þegar Steingrím bar að. Vísan þarfnast útskýringa, sem koma á eftir.  Fyrst sú um Gunnar: Gengur fram um drambsins dammdólgur stramm en sálin gramm.Sér til skammar drekkur dramm,drullupramminn Gunnar Schramm.   Og þá strákurinn í bókhaldinu: Marglit elti TalitasTilipus sig undan dróPilturinn á pappír las:píníngar í despíó. 

Skýringin:  Frú Margrét vær næst á eftir Karitas á listanum, Filipus dró pöntun til baka.  Pilturinn las á pappírinn:  Peningar í desember.

 

Og smá saga í viðbót.  Steingrímur Eyfjörð tók á móti pabba mínum í september 1932.  Amma hafði miklar áhyggjur af því að pabbi var með eins og tvö horn úr höfðinu, (svona eins og sum nýfædd börn eru), nema hvað ömmu minni fannst þetta ekki í lagi, og bar þessar áhyggjur sínar í tal við doktorinn. 

Hann svaraði:

"Vertu alveg róleg Sigríður mín, þegar hann stækkar, þá tollir bara betur á honum hatturinn." 

[Bergþóra Jónsdóttir, 6.8.2008 kl. 20:54]

Taka tvö:

Á ég þá ekki að koma með þær tvær sem ég kann eftir Steingrím.  Systa mín, þú hefur oft heyrt mig fara með þær.  Sú fyrri er um vel þekktan mann, Gunnar Schram á Akureyri, en hin er um strák sem var að hnýstast í bókhaldið í Síldarverksmiðjunum eða Kaupfélaginu, og virðist - samkvæmt vísunni hafa verið lesblindur, nema að bókhaldarinn hafi verið svona illa skrifandi. Hann var alltént að reyna að stauta sig út úr því sem þar stóð, þegar Steingrím bar að. Vísan þarfnast útskýringa, sem koma á eftir. 

Fyrst sú um Gunnar: 

Gengur fram um drambsins damm

dólgur stramm en sálin gramm.

Sér til skammar drekkur dramm,

drullupramminn Gunnar Schramm.   

Og þá strákurinn í bókhaldinu: 

Marglit elti Talitas

Tilipus sig undan dró

Pilturinn á pappír las:

píníngar í despíó. 

 

Skýringin:  Frú Margrét vær næst á eftir Karitas á listanum, Filipus dró pöntun til baka.  Pilturinn las á pappírinn:  Peningar í desember.

 

Og smá saga í viðbót.  Steingrímur Eyfjörð tók á móti pabba mínum í september 1932.  Amma hafði miklar áhyggjur af því að pabbi var með eins og tvö horn úr höfðinu, (svona eins og sum nýfædd börn eru), nema hvað ömmu minni fannst þetta ekki í lagi, og færði þessar áhyggjur sínar í tal við doktorinn. 

Hann svaraði:

"Vertu alveg róleg Sigríður mín, þegar hann stækkar, þá tollir bara betur á honum hatturinn."

[Kristín Dýrfjörð, 6.8.2008 kl. 21:55]

Góðar Begga.

[Kristín Björg Þorsteinsdóttir, 13.8.2008 kl. 08:58]

Pant vera með í þessum Sigló hóp - pabbi minn var þaðan......góður vinur Beggu

Annar spjallaði ég heilmikið við Jón Dýrfjörð í afmæli bróður míns í Bíó-kaffi í júní s.l. Bróðir minn heitir Gunnar og býr ásamt Sólveigu dótur Jóns á sambýli á Siglufirði. Er það fólk skilt þér Kristín?

[Kristín Dýrfjörð, 13.8.2008 kl. 09:17]

Jón er föðurbróðir minn, pabbi minn Birgir er Siglfirðingur, Þorfinna í Hlíð var amma mín. Og þú mátt alveg vera með í Sigló hóp. Sjálf tel ég mig nú ekki vera Siglfirðing, átti mín fyrstu barndómsár á Króknum.