Að vera dóni eða sýna af sér dónalega hegðun

Í anda góðrar uppeldisfræði beindi Geir forsætisráðherra athyglinni að hegðun Sindra en ekki að persónu Sindra. Á því er nú nokkur munur. Í hádegisfréttum Stöðvar tvö sagði Edda í kynningu að Geir hefði kallað Sindra dóna, en það gerði hann alls ekki, hann sagði hegðun hans dónalega. Þeir sem hafa starfað með börnum þekkja einmitt áhersluna sem er á að beina athyglinni að hegðuninni. Barnið er ekki slæmt þó hegðun þess á einhverju andartaki geti verið slæm. Hvort hegðun Sindra var dónalega er svo allt annað mál og um það sjálfsagt skiptar skoðanir.  Ég held t.d. að forsætisráðherrar megi alltaf búast við því að fá pólitískar spurningar frá fjölmiðlafólki það sé hluti af starfi beggja.

Athugasemdir

[Sigurður Þorsteinsson, 13.6.2008 kl. 14:06]

Alveg hárrétt! En hvar kom dónaskapurinn fram?

[Kristín Dýrfjörð, 13.6.2008 kl. 14:25]

Það er einmitt túlkunaratriði, forsætisráðherrar vilja hafa þann háttinn á að fá ekki á sig fyrirspurnir nema á skipulögðum fundum-viðtölum og svo í drottningarviðtölum sem plönuð eru fyrirfram. Kannski telur Geir það vera dónaskap að spyrja á þann hátt sem Sindri gerði með myndarvélar á eftir sér. Þar sem ég er ekki Geir get ég lítið vitað um það.   

[Sigurður Eðvaldsson (IP-tala skráð) 13.6.2008 kl. 14:51]

Ég get ekki séð að Sindri hafi sýnt af sér neinn dónaskap. Þvert á móti sýndi forsætisráðherra af sér fádæma rudda og dónaskap með tilsvörum sínum.Svona hegðun sæmir ekki því embætti sem Geir veitir forstöðu. 

[Eva Hauksdóttir (IP-tala skráð) 13.6.2008 kl. 18:16]

Dóni = maður sem hegðar sér dónalega.

Hvor er meiri dóni Sindri eða Geir, það er svo aftur umdeilanlegt.

[Evert S, 13.6.2008 kl. 18:42]

Að sitja fyrir honum, það er líklega það sem Geir fannst vera dónaskapur, að koma úr launsátri.

[Ingólfur Ásgeir Jóhannesson, 13.6.2008 kl. 21:44]

Þetta er eitthvað sem ég hef alveg misst af, Kristín; en kannski skiptir það ekki máli því að þú ætlaðir bara að hæla Geir

[Kristín Dýrfjörð, 14.6.2008 kl. 02:24]

Ekki að hæla fyrir stjórnmálaskoðanir - heldur fyrir að beina athygli að hegðun (hvort sem ég er honum sammála eða ekki um að viðkomandi hegðun hafi verið dónaleg). Þegar ég var ungur fóstrunemi var mikið rætt um orðanotkun, eitt af því sem löngum hefur tíðkast á Íslandi er að segja t.d. "svona gera bara ljót börn" í stað þess að segja það er "ljótt" slæmt að gera svona. Rifjaði þetta bara upp i dag þegar ég heyrði umfjöllunina á stöð 2.

[Halla Rut , 14.6.2008 kl. 12:57]

Mér fannst hegðun Geirs dónaleg; Dónaleg við fréttamanninn og dónaleg við þjóðina.

Hann er "forstjóri" Íslands og við eigum rétt á að vita hvað hann hyggist gera eða ekki gera. Hann er hins vegar komin á þær buxurnar að okkur komi ekkert við hvernig landinu er stýrt. Hann og Ingibjörg er sammála um þetta. Í þeirra augum er gagnrýni og fyrirspurnir lágkúrulegar og einelti. Hrokinn hefur hér gengið einum og langt.