Vísindasmiðja fyrir börn og fullorðna í Ráðhúsinu í Reykjavík 8 og 9 febrúar

 

 

 

    

      Föstudaginn 8. febrúar frá kl. 13.00 - 16.00 og laugardaginn 9. febrúar kl. 11.00 - 14.00 í Ráðhúsi Reykjavíkur 

 

Þjónustumiðstöð Miðborgar og Hlíða og Leikskólabraut Háskólans á Akureyristanda sameiginlega fyrir vísindasmiðju um byggingar, ljós og skugga fyrir börn og fullorðna í Ráðhúsi Reykjavíkur.  

Ætlunin er að byggja úr fjölbreyttum endurnýtanlegum efnivið. Efnivið sem er bæði gagnsær og ógangsær. Sérstakur gaumur verður gefinn hvernig hægt er að nota ljós og skugga til að auðga byggingarleik. Þetta er smiðja þar sem einu takmarkanir byggingameistarans eru hans eigið ímyndunarafl. 

                                                 

Allir velkomnir.

Vísindasmiðjan er ætluð börnum á öllum aldri.

Tengiliðir:  Guðrún Alda Harðardóttir, leikskólaráðgjafi hjá Rvk  og dósent við HA S: 8471230, netfang: [e-mail]

 

Kristín Dýrfjörð, lektor við Háskólann á Akureyri, S:  8974246, netfang: [e-mail]

 

Athugasemdir

[Gísli Baldvinsson (IP-tala skráð) 1.2.2008 kl. 11:08]

Er þetta útsent á leikskólanna hér á Akureyri?

[Kristín Dýrfjörð, 1.2.2008 kl. 17:20]

Sæll Gísli og kærar þakkir fyrir innlitið (er búin að laga glærurnar í síðustu færslu).

Varðandi vísindasmiðju þá höfum við á leikskólabraut staðið fyrir vísindasmiðjum á opnu húsi við háskólann í nokkur skipti. Í fyrra fékk ég jafnframt tvisvar tvo elstu árganga tveggja leikskóla til að taka þátt í vísindasmiðju í húsnæði HA við Þingvallastræti, og nemarnir voru tvo daga á Iðavelli með vísindasmiðju fyrir börnin þar. Í ár munu nemarnir sækja tíma í vísindasmiðju á Iðavöll, og vinna eðlisfræði verkefni á næstelstu deildinni og byggingar og kubbaverkefni á þriggja ára deildinni.