Sunnudagur í Miðstræti

Áðan komu þrír 9 ára drengir í heimsókn. Enginn hafði áhuga á að horfa á fótbolta með Lilló, en því meiri áhuga á ýmsum tölvuleikjum sem finna má á vefnum. Ég dró líka fram gamla góða leirinn, til að athuga hvort hægt væri að freista þeirra frá tölvunni. Guðmundur Páll gerði skrímsli fyrir mig, hinir voru ögn feimnari við efnið. Svo bakaði ég risastafla af vöfflum sem allar hurfu eins og dögg fyrir sólu. Þegar drengirnir voru farnir, fór ég út í garð og potaði niður eins og 150 haustlaukum. Það viðraði loks til slíkra verka.

Vængjaða skrímslið

með höggtennur

og klær

Athugasemdir

[Sigríður Síta (IP-tala skráð) 7.10.2007 kl. 19:46]

Flott skrímsli  - bara að kvitta fyrir mig

kveðja, Síta

[Kristín Dýrfjörð, 7.10.2007 kl. 20:24]

Takk fyrir það, mér finnst skrímslið líka flott, ákvað að taka mynd af því áður en ég hnoðaði leirinn saman. Sé eftir að hafa ekki gert það með risaeðlugarðinn sem fimm að verða sex ára frændi minn gerði um daginn.