"Ég er skáldadrottning og brosi í gegn um tárin"

Þannig að hún grét fyrir myndavélarnar - ég var einmitt að pæla í hvers vegna hún þvoði sér ekki í framan áður en hún yfirgaf 5 stjörnu hótelið þar sem hún skrifaði síðasta kaflann með kampavíninu af míníbarnum. En samkvæmt fyrri fréttum yfirgaf hún herbergið með svartar rendur niður eftir kinnum. Þetta var sem sagt allt eitt allsherjar realityshow eða soleiðis.

Heimildamynd um gerð Potterbóka

Athugasemdir

[svarta, 14.7.2007 kl. 06:56]

Hvers konar fréttamenska er þetta eiginlega? Er allt að fara til fjandans? Rosalega verið að dramatisera þetta allt saman. Getur hún bara ekki skrifað einhverjar aðrar bækur? Og lesið síðan bara þessar sem hún hefur nú þegar skrifað ef hún á eftir að sakna þeirra svona svakalega. Nei þetta er nú meira bullið. Hurðu! Ég er bara eitthvað neikvæð í dag. Þarf að reyna að laga það.

[Kristín Dýrfjörð, 14.7.2007 kl. 12:06]

Það selur Harry betur að hún hafi fellt nokkur tár - en svona brostu framan í heiminn og heimurinn brosir framan í þig, fáðu svo litla á skypið í smátíma og þá líður þér betur.

[Ingólfur Ásgeir Jóhannesson, 14.7.2007 kl. 12:57]

Sagan segir að Rawling hafi aðeins notað upphafsstafi sína vegna þess að enginn tryði að ung kona gæti skrifað bók um dreng. Sagan segir líka að hún hafi setið og skrifað fyrstu bókina á Fílakaffi í Edinborg, og kannski horft á kastalann. Andinn kom nú ekki yfir mig þarna í Fílakaffinu en meiri annars staðar í Edinborg.

[Kristín Dýrfjörð, 14.7.2007 kl. 13:03]

Já, hafði eitthvað heyrt um þetta - en er það ekki furðulegt að á ofanverðri 20 öld hafi konur enn þurft að hylja sig í skáldaheimi. Hélt einhvernvegin að þetta væri bara eitthvað eldgamalt. En svona gerast hlutirnir stundum hægt. Ég hef aldrei verið svo heppin að koma til Edinborgar, skilst þó að að borgin sé meira en vel þess virði að sækja heim og jafnvel sækja sér innblástur.

[Ingólfur Ásgeir Jóhannesson, 14.7.2007 kl. 13:05]

Þú ættir að bætast í HA-Edinborgarhópinn. Það fjölgaði í honum í vetur þegar Anna Þóra og Kristín dvöldu þar. Svo gerir Annó tíðreist þangað og auðvitað Bragi, og ég held að það sé alls ekki upptalið.

[Kristín Dýrfjörð, 14.7.2007 kl. 13:11]

Já og Magga fór líka að heimsækja hin og varð yfir sig hrifin, held ég haldi mig við borgina London á Bretlandseyjum á næstunni - verst er að þegar ég er þar sé ég varla meira en herbergið mitt og bókasafn skólans. Er reyndar orðin nokkuð góð í að finna mér veitingastaði þar nærri.  En svo er líka svo gott að hafa eitthvað að hlakka til að eiga eftir - Edinborg er þar með talin.

[svarta, 14.7.2007 kl. 20:01]

Edinborg er bara alveg frábær. Ég á vinafólk þarna uppfrá og heimsóttu þau í júní. Gæti vel hugsað mér að setjast þar að.

Ég er aðeins hressari eftir að hafa farið með dóttur minni á sumarhátíð í Buxton. Ætla að reyna að fá litla manninn minn á skypið. Góð hugmynd.