Til lukku Austurbæjarskólabörn

Til hamingju krakkar í Austurbæjarskóla, þetta er flott hjá ykkur. Sannarlega frábært framtak sem vert er að veita athygli. Sannarlega frétt sem á heima á forsíðu.

Það er margt spennandi að gerast í skólum borgarinnar og já landsins alls, á öllum skólastigum. Þar gerast daglega atburðir sem ætti að halda á lofti, atburðir og pælingar sem sem ættu að rata á forsíður og í fréttatíma. Sem ættu að fá athygli ekki sem skreytiefni sem hægt er að brosa fallega að, heldur vegna eigin gildis. Vegna þess að þetta eru fréttir um fólk á öllum aldri sem er að vinna merkileg störf.  

Austurbæjarskóli vann Skrekk

Athugasemdir

[Kristín Björg Þorsteinsdóttir, 19.11.2008 kl. 14:51]

Skrekkur er frábær! Báðar stelpurnar mínar - þær eru í 8. bekk og 10. bekk Vogaskóla - tóku þátt í atriði síns skóla. Það fór mikill tími í undirbúning - en tíma vel varið.

Daginn eftir keppna í síðust viku áttu þær frí í fyrstu tveim tímunum. Sú eldri kom syfjuleg í dyrnar þegar ég var að fara til vinnu: "Mamma - ég vildi að ég gæti verið aftur í 10. bekk, bara til að geta tekið aftur þátt í Skrekk"

Segir allt sem segja þarf........