Appelsínugul kona

Ég mæli með... í alvöru, ég mæli með að fólk horfi á Út og suður í endursýningu, í kvöld fjallaði þátturinn um m.a. Önnu Richardsdóttirr hreyfilistakonu á Akureyri og samkennara minn við Háskólann á Akureyri. Það er hreint út sagt magnað að upplifa hreingjörninga hennar. Rétt fyrir aldamótin síðustu stóð leikskólabrautin fyrir alþjólegri ráðstefnu um leikskólamál á Akureyri, Anna var opnunaratriðið okkar, hún var frábær, þreif allt hátt og lágt, sveiflaði sér til þess í rjáfrum og ögraði verulega mörgum. Alveg eins og hún hefur til allra hamingju ögrað nemunum okkar í gegn um árin. Hefur ýtt þeim fram á fremsta hlunn og svo aðeins lengra. Takk Anna, fyrir að vera þú.  

Athugasemdir

[Marta B Helgadóttir, 8.8.2007 kl. 01:26]

Tek undir það, frábær þa´ttur

[Síta (IP-tala skráð) 9.8.2007 kl. 09:18]

Tek undir það hreint frábær þáttur - enda er Anna stórskemmtileg bæði sem listamaður og manneskja. Ég hef notið þess að vera í dans- leikfimi hjá henni og það er engu líkt.